Nacíu n’Avilés (Asturies), empecipia los sos estudios de gaita en 2003. En 2016 llogra’l títulu profesional de música nel Conservatorio Profesional d’Uviéu, especializándose na gaita asturiana, llogrando matrícula d’honor en llogrando’l premiu de fin de carrera.

Foi entrenáu por maestros de la gaita como Diego Pangua, Xuacu Amieva o Marco Antonio Guardáu del Valle. Completó la so formación como intérprete con instrumentistes del arcu atlánticu como Anxo Lorenzo y Daniel Bellón (Galicia), Yann y Stéphane Kermabon (Bretaña) o Calum MacCrimmon (Escocia).

Dende 2014 compaxina’l so llabor docente y de dirección musical na banda de gaita “Villa d’Avilés” con otres formaciones de distinta índole musical, como’l grupu Manitou Rock, col que grabó la gaita y el saxofón asturianu nel so discu Llibres” en 2018, o la Bandina la Garrapiella, de la que ye miembru fundador y que llanzó’l so primer discu en 2022.

Participando en competiciones en solitariu, llogró numberoses places de finalista nel Remis Ovalle Memorial o’l Troféu MacCrimmon (Lorient), hasta consiguir un segundu puestu en 2012, un primer puestu na edición de 2018, y la Mención d’Honor qu’otorga la organización pola so interpretación de la música bretona puesta n’escena nesta edición.

Tamién participa en concursos de gaita y percusión col baterista Sergio Rubio Rodríguez, con quien llogra primeros llugares nos concursos de gaita y percusión Alcuentru Folclóricu n’Ayeri nes sos ediciones de 2017 y 2018, nel concursu Pareyes’ Memorial Diego Alonso’, na so ediciones 2018 y 2019 y el prestixosu concursu y espectáculu folclóricu “Ciudá d’Uviéu” na modalidá de dúo de gaita y percusión na so 20 edición.

ACTUACIÓN

• Clase maxistral: gaita
  El 06/08/2022 a les 10:00 (-y Palais)

Tweet