Cada branu unes 700.000 persones procedentes de toles llatitúes averense a esfrutar de les tierres celtes de Lorient y del so Festival Intercélticu. De Galicia a Escocia, los meyores intérpretes de música celta danse cita en Bretaña con un públicu veníu pa esfrutar, rir y pasar un ratu bien prestosu. Y esti ayu l’escaparate celta de música, vezos y tradición ye’l d’Irlanda, como amuesa’l cartelu del Festival.

Cada branu dende 1971 nun hai mes d’agostu que’l festival nun concluya con una bagad xeneral o con una repetición infinita d’acordes bien populares, pero naide vien a quexase. Al contrariu. Los más de 700.000 asistentes viven esti momentu celta intensamente. Les pibrochs (les gaites escoceses) abren el festival y les gaites gallegues y asturianes enllenen l’ambiente d’allegría. Unos 200 espectáculos y 5.000 artistes convidaos… Con más de cuarenta año a los sos llombos, el festival de Lorient ye un vieyu clásicu del mundu celta, anque ta en plena mocedá cuando se trata de fiesta. Y equí vamos facer, como ca añu, un seguimientu diariu d’esti pergrande festival.