Corquiéu y l’anovación musical astur aporten otra vuelta a Lorient

corquieu

Otru de los finxos de la programación asturiana d’esti FIL 2016 va ser el grupu ástur Corquiéu, nacíu nel 1997,  que ta compuestu por cinco músicos xuníos pola mesma pasión musical, pero con universos distintos. Iván Vega (cola flauta travesera), Pablo Valdés (a la guitarra acústica) y Roberto Suárez (a la gaita ástur)  proponenun repertoriu ente aires tradicionales ástures y composiciones orixinales.

En 2005 reciben el preciu del meyor álbum folk asturianu como reconocencia d’un trabayu ensin dubies dafechamente cumplíu. Pola continuación, el ritmu de los conciertos acelerase pal grupu gracies a la xira «Salia», que faien en toa España, al mesmu tiempu qu’en Francia y n’Italia.

La violonista Blanca Sáenz de Miera, el flautista Dani Alvarez, Jorge Ibáñez al bouzouki, y la nueva cantante Luci Palombares integren depués el grupu, formando entós un conxuntu musical sólidu tantu dende los puntos de vista vocales como rítmicos o melódicos.

Nel mes d’abril 2010, el grupu presenta triunfalmente’l so tercer álbum «Suaña» nel Teatru Philarmónica d’Uviéu, una propuesta musical entá non superada na música folk asturiano. Y en 2016, trabayen na ellaboración del so cuartu discu, que s’espera con impaciencia.

Les sos actuaciones d’esti añu en Loriente van ser:

llunes 8 d’agostu 2016 – Palaciu de Congresos
martes 9 d’agostu 2016 – Andén de Bretaña

Llangréu (Asturies), 1962. Llicenciáu en Filoloxía Hispánica y Master en Desenvolvimientu Local pola Universidá d'Uviéu ye tamién espertu n'Alministración de Servidores Web pola Universidá de Granada. Doctorando de la Universidá del País Vascu, ye Profesor Acomuñáu de la Universidá Carlos III de Madrid, onde imparte l'asignatura de Técniques de Llocución y dirixe tamién el Cursu d'Espertu en Periodismu Dixital de la Universidá d'Uviéu y los cursos de branu sobre esta materia de la mesma universidá, cuntando con una nutrida participación nos cursos de branu de la Universidá de Cantabria y de la Complutense de Madrid, ente otres, siempres en relación col periodismu dixital.