Banda Gaites El Gumial

La Banda Gaites el Gumial ye una formación de gaites asturianes y percusión col oxetivu d’esparder la música y cultura tradicional d’Asturies. Creada a principios del añu 2012 nel Conceyu d’Ayer, tomando’l nome d’un conocíu “mayau” de la parte alta d’esti conceyu. Anguaño la banda cunta con una ventena de componentes, y caltién un firme compromisu de formación de nuevos músicos na so escuela.

Ta dirixida dende los sos entamos por Diego Llobo, faciéndose cargu del cuerpu de percusión el maestru Manuel Durán. El repertoriu del grupu consta principalmente de temes del folclore asturianu (xotes, muñeires, pasudobles…), faciendo especial fincapié na recuperación y preservación de la tradición musical ayerana.

Tamién incorpora una minoría de temes d’otres rexones del arcu atlánticu. Dende la so formación, la Banda Gaites el Gumial participó en numberosos festivales y eventos dientro de la xeografía asturiana, apostando siempres pola collaboración con otres formaciones similares. Amás participa de forma activa en concursos y campeonatos nos que llogró meritories resultancies.

 

Llangréu (Asturies), 1962. Llicenciáu en Filoloxía Hispánica y Doctor en quidá e innovación educativa pola Universidá d'Uviéu. Anguaño ye profesor de llingua española y lliteratura del cuerpu profesores de Secundaria del Principáu d'Asturies y Profesor Asociáu de la Universidá d'Uviéu nel Departamentu de Ciencies de la Educación. Periodista a lo llargo de más de 35 años, tien una llarga trayectoria llaboral en medios como La Voz d'Asturies, RNE, TVE y TPA ente otros.