Álvaro Álvarez algamó esti sábadu la 30 edición del Troféu Mac Crimmon que’l Festival de Lorient dedica a los solistes de gaita y nel que compiten tolos años cuatro gallegos y otros tantos asturianos. La mocedá y calidá de los instrumentistes dexó ablucaos otru añu más al públicu bretón que foi esti añu mas renuente a seguir el desenvolvimiento del concursu, lo que fizo que sólo se dieran los tes primeros puestos nel resultáu final.

El Troféu Mac Crimmon de gaita asturiana y gallega cumplió esti sábadu trenta años dende que col nome de Macallan lu ganara por primera vegada’l Gaiteru Asturianu Xuacu Amieva qu’esti añu alcontrábase faciendo de xuráu del concursu xuntu a la única ganadora del premio, l’asturiana Andrea Joglar, y otros de los ganadores, como’l gallegu formáu n’Asturies Alberto Coya y otru de los grandes gaiteros gallegos, Edelmiro Fernández. El xuráu completábenlu los bretones Magali Le Sciellour y Yann Kermabon.

El concursu entamolu la gaita gallega de Xabier Pereira Díaz, lucense de 22 años que dende los 7 años toca esti instrumentu dende que s’averara a la asociación cultural Zuncurrumundullo. Dende 2013 vieno enfotándose en trabayar l’instrumentu depués d’unos años en que lu tuviere escaecíu y vieno acabante d’integrase na escuela Bellón Maceiras de Fene, teniendo como maestro a Dani Bellón.

Otro gallegu, Javier Vázquez López foi en segundu llugar, amosando’l so dominio tempranu tamién del instrumentu, qu’entamó a tocar a los 9 años. Dende 1993 en qu’entamara a tocar peles bandes de gaites gallegues, Javier vieno fundando muchos grupos como Os Xaramiños do Corpiño en A Coruña, o Ardelio Eixo y The Moonshine Band, n’Ibiza a onde se treslladó a vivir. La so actuación tuvo dos gaites, una en DO pa les pieces asturianes y gallegues y otra en RE pala pieza bretona.

El primer asturianu en subir al escenariu diba ser el Gaiteru de Llieres Fernando Vázquez y col so Floreáu de Remis, llargu y trabayáu, dexó bien a les clases que presentaba candidatura pala victoria. Sobriu y seguru, foi esti’l primer avisu asturianu del festival.

Los favoritos

Pa finar la primer parte del concursu llegó’’l momentu del ganador del añu pasáu, Álvaro Alvarez, que colos sos venti años amuesa una maúrez que pa sí quieren otres xeneraciones de gaiteros. Y fízolo como l’añu pasáu, perfaciendo una suite bretona que dexó bien a les clares les sos posibilidaes en Lorient. La so pieza asturiana foi llarga pero non tolo perfecha del añu pasáu, ente otres coses por una pequena lesión que vien arrastrando dende hai quince díes y que lu fizo aportar ensin fuercies a la parte final d’esa pieza más y meyr encayada. Penriba les dificultaes, ente elles nun algamar la mayor puntuación posible na pieza asturiana, Álvaro llogró amosar otra vuelta por qué lleva cuatro años ganando n’Asturies toa mena de concursos. La so interpretación asturiana colocolu nel disparaderu d’’un Troféu y una participación na que paecía qu’e diga repetise’l triunfu.

Tres del descansu, toco-y salir al escenariu al gallegu Xexús Rodríguez, que se caltuvo a un bon nivel, ameyorando enferma la so actuación del edición anterior del Troféu. Y pa finar ente los gallegos, vieno Marcos Tella, un llucense de 23 años que yá nun ye nuevu tampoco nesta esperiencia y que como l’añu pasáu tuvo momentos brillantes nuna bona actuación con dellos altibaxos pero amosando’l bon nivel instrumental que siempres se pue sentir nesti concursu.

Tella dió pasu al tercer Asturianu, Daniel Meré, que tien de mayestru a Iñaki Santianes en el Conservatoriu d’Uviéu y ye componente de la Banda de Gaites de Corvera. Segundu en dellos de los concursos pa gaiteros mozos mas nomaos d’Asturies, como’l de Xixón, y nel Memorial Remis Ovalle d’esti añu, malpenes se notará la novedá de nun tener la veteranía de los sos collacios nesti concursu. Sobremanera na elección de la pieza asturiana como primera del so repertorio, con un dominio del clásicu Floreáu que sorprendió a l’audiencia.

El postreru llugar nes actuaciones del troféu d’esti añu correspondió a ún de los novatos nel concursu del año pasáu, l’asturianu Fabián Fernández, qu’entamó menos nerviosu esta vuelta y aposentó bien ceo pa terminar faciendo un perbona actuación. Con 20 años y tocando dende los siete, a esti perbon gaiteru queden-y años abondos pa ufrir lo meyor al instrumentu calterísticu d’Asturies, como a ellos de los dos collacios de delegación.

Como siempres, los participantes y el públicu tuvieron de tar nerviosos a la espera d’’una llarga suma de les puntuaciones enforma complexa que siempres acaba dexando insatisfechos a unos y a otros.

El xuráu

El xuráu d’esti añu formábenlu los maestros asturianos Xuacu Amieva, pernomáu y quería en Lorient, y Andrea Joglar, direutora de la Banda LaKadarma que s’alvuentra actuando en Lorient, xunta los gallegos Alberto Coya, bien conocíu n’Asturies y veteranu nos xuraos del McCrimmon, y Edelmiro Fernández, que ya formará parte del xuráu dellos años y Ye bien nomás n’Asturies. El xuráu completábelu los bretones Magali Le Sciellour y Yann Kermabon.

El concursu allargose como tolos años asocede nel marcu del Festival de Lorient a lo llargo de más de tres hores a les que se vieno a xuntar l’aconceyamientu de los seis xuraos (dos asturianos, dos gallegos y dos bretones) que deciden el ganador de 2013.

Los ocho participantes que representen cada añu a les gaites asturianes y gallegues, dexaron bien a les clares otra vuelta el pergrande nivel instrumental que tien la mocedá asturiano y gallego dende va unos años en que los participantes malpenes pasen los ventipocos años.

Tweet